Af hverju?

Af hverju getum við ekki sungið Eurovision lagið okkar á íslensku?

Af hverju þurfum við alltaf að gera eins og hinir?

Af hverju þurfti að lita fallega rauða hárið á Eika dökkt?

Af hverju?

Af því að þannig er bara lífið myndi 5 ára dóttir mín svara þessum spurningum.

Þessa dagana er allt svo yndislegt hjá henni. Þegar ég spyr hana hvernig dagurinn var hjá henni svarar hún: "Þetta var yndislegur dagur í leikskólnaum". Þegar ég spyr hana hvað hún fékk að borða á leikskólanum þá svara hún: "Ég fékk yndislegan mat á leikskólanum". Þegar ég spyr hana hvernig hún svaf í nótt þá svara hún: "Þetta var yndisleg nótt".

Ég ætla að taka hana mér til fyrirmyndar og segja: Það er yndislegt að vera eins og hinir, syngja lagið okkar á ensku og vera með dökkt hár!

Til hamingju með daginn Íslendingar, við komumst áfram í kvöld!!

 

Athugasemdir

[Rakel Guðmundsdóttir, 10.5.2007 kl. 13:47]

Ég held stundum að Ásthildur sé áttræð kona í líkama 5 ára stelpu haha 

Hún er algjört eðalkrútt!!

[Kristín Björg Þorsteinsdóttir, 10.5.2007 kl. 18:26]

Krúttlegt, krúttlegt. En veistu-  það eru talsvert margir sem syngja á móðurmáli sínu í ár. Ég var dálítið hissa...

[Ásta (x 112) (IP-tala skráð) 10.5.2007 kl. 22:54]

fyndið hvað maður verður alltaf jafn vonsvikinn þegar Ísland kemst ekki áfram :)

[Guðrún Olga Clausen, 10.5.2007 kl. 23:34]

Hún Ásthildur mín er jafn yndisleg og Ástrós og Sunna og þær allar sætu ömmustelpur. Meiri krúttin. 

Sorrý en það kom mér ekki á óvart að Eiríkur komst ekki áfram Mér fannst atriðið svona og svona og nett hallærislegt hjá undirspilurunum. Afsakið neikvæðnina. Þar fyrir utan er þetta bara orðið austantjalds "plot " og ástæða fyrir okkur að fara að endurskoða þátttöku okkar í þessari skemmtilega hallærislegu keppni.

[Sara Guðmundsdóttir, 11.5.2007 kl. 11:22]

Ég tók einmitt eftir því Kristín, hvað margir sungu á móðurmáli sínu. Reyndir var þemað í ár að blanda því saman við enskuna en þetta er kannski skref í rétta átt. Mér finnst íslenska lagið okkar miklu betra á íslenksku fyrir utan hvað enski textinn var hrikalega halló!! En auðvitað á bara að skipta þessari keppni í tvennt, þetta er ekki nokkur hemja. Ein hugmyndin væri samt að kaupa okkur inn í hana eins og Bretar, Frakkar, Spánverjar og Ítalir.

Á næsta ári sendum við svo Buffið og allt verður gott og fallegt

[Anna Jóhannsdóttir (IP-tala skráð) 11.5.2007 kl. 13:59]

Já, er innilega sammála þér með textann. Ljóðlínur eins og....Passion killed by acid rain/A rollercoaster in my brain... úff ? Fannst þetta glatað. Vantaði bara möllettið á Eika. Austur-evrópu fannst þetta hallærislegt !!  Umhugsunarvert....