Smá lífsmark.....

Jú, það er óhætt að segja að maður hafi legið í bloggleti síðustu mánuði enda haft í mörgu að snúast. Vinnan tekur sinn toll en er sem betur fer mjög skemmtileg. Ég þarf samt að fara að minnka við mig því ég var að uppgötva fyrirbærið Facebook!! Þvílíkur tímaþjófur Það er alveg hægt að gera ekkert annað en að skoða Facebook, safna vinum og búa til grúppur og finna fólk sem maður var búinn að gleyma....rosalega skemmtilegt. Mér skilst að þetta sé besta deitsíðan fyrir þá sem eru að leita!

 

Skelli inn nokkrum skemmtilegum myndum í lokin:

Fleiri myndir

Ég get ekki sett inn myndir úr brúðkaupinu á Barnaland þar sem mér tókst að eyða heilu albúmi og ef maður gerir það þá er ekki hægt að setja sömu myndirnar aftur inn.......þess vegna koma nokkrar hér vegna fjölda áskoranna

Þið sem voruð í brúðkaupinu: TAKK TAKK TAKK     ÞIÐ GERÐUÐ ÞESSA VEISLU SVONA SKEMMTILEGA!!

Brúðkaup

AMMA MÍN

Hún amma mín, yndislegust, verður 80 ára þann 28. október. Hún ætlar að taka á móti gestum í Hraunbæ 103, í sal félagsþjónustu aldraðra á afmælisdaginn frá 16-18.  Mig langar að koma því að, að hún er að safna sér fyrir ferð sem hún ætlar að fara til Yemen og Jórdaníu í vor með mömmu. Þetta er dýrt ferðalag, þannig að mig langar að benda þeim sem hafa hugsað sér að gefa henni eitthvað í tilefni dagsins á að henni kæmi langbest að fá farareyri. Sem sagt langsniðugast að gefa henni pening.   

 

Frábær skemmtun!

Fór með stelpunum á fimleikasýninguna í gær og við skemmtum okkur konunglega. Þurfti reyndar stundum að halda fyrir augun þegar fimleikastelpurnarstelpurnar voru að "leika" samlokur . Hef ákveðið að byrja strax að æfa fimleika og gef mér 30 ár í að ná þeim!

Mæli með sýningunni....en æiæi...það er uppslet á þær allar

Loftfimleikar í Versölum

Hvað ætlar þú að hafa í matinn í kvöld?

Mexíkóskt kjúklinga taco

Kjötsúpa með sveppum

Fiskur í tómatsósu

Grænmetislasagna

 

eða hvað??.......

 

http://www.hvaderimatinn.is/?

Segi svona.......

 

 

 

Hvaderimatinn.is á flugi!

Já, það er óhætt að segja að það sé allt að gerast hjá okkur. Nú  Felix kominn á fullt skrið og stendur sig hrikalega vel. Var í Fréttablaðinu í gær og svo í viðtali á Rás 2 í morgun hjá Gesti Einari.

VIð fylgjumst svo með skráningu eins og á góðu Eurovision kvöldi en þetta er æsispennandi og alveg slattinn allur af fólki að skrá sig inn á hverjum degi. 

Svo eru spennandi hlutir framundan........

 http://www.hvaderimatinn.is/

http://vefmidlar.visir.is/VefTV/?channelID=&programID=b2fab606-e8f9-4500-a4d9-15008d8978da&mediaSourceID=02220094-4e2e-447f-851c-0f93c09c0a27&mediaClipID=1c79aa86-8708-417d-8ba0-01f4cb6051fb

 

Gæsin

Þessi mynd er tekin á laugardaginn síðasta þegar vinkonur mínar komu mér á óvart og gæsuðu mig.

Dagurinn var frábær í alla staði og þvílíkt vel skipulagður. Kem með smáatriðin seinna

Hvað er að gerast?

Ég fór í búðarleiðangur í dag, gerðist svo rosalega dugleg að fara bæði í Kringluna og í Smáralind. Eftir að hafa þrætt allmargar verslanir í þeim tilgangi að finna spariskó á dætur mínar þá var niðurstaðan þessi: fann enga skó en fékk hræðilega þjónustu í flestum búðunum.

Hvað er í gangi með "unga" fólkið? Í Zöru, Debenhams,Oasis,Next, og á fleiri stöðum voru ungar stelpur að vinna og á öllum stöðunum stóðu þær við afgreiðslukassann og voru að kjafta saman! Þær litu varla á þann sem þær voru að afgreiða og maður var kominn óþægilega mikið inn í þeirra einkalíf.

.........."svo fékk ég sms frá honum um að hann vildi hitta mig aftur og"........."já, hún er algjör drusla....."........HVAÐ ER Í GANGI?????? 

Svo fór ég í Steinar Waage og karen Millen (já, stalst til að skoða líka á mig :) og þar voru eldri konur að vinna og þar fékk ég þvílíkt flotta þjónustu.

Erum við að ala upp letingja? Þessir krakkar eru bara að komast upp með þetta, kannski af því að það bráðvantar svo starfsólk í búðirnar en þó að svo sé þá er alveg hægt að kenna þeim almenna mannasiði og svona almennt hvernig það er að vera í þjónustustarfi.

Nú vil ég alls ekki dæma alla unglinga sem letingja en því miður held ég að ansi stór hluti af þeim séu það samt. Kannski er ástæðan sú að unglingar í dag mega ekki byrja að vinna fyrr en þeir eru orðnir 16 ára. Þeim er hreinlega skikkað að vera heima hjá sér og suða í mömmu og pabba um vasapening.

Mér varð allavega ekki meint af að byrja að vinna 10 ára gömul hjá Ríkisútvarpinu og þar vann ég með skóla í 4 ár. Ég vann líka á fleiri stöðum, sólbaðsstofu, unglingavinnunni og svo auglýstum við vinkonurnar í Þjóðviljanum hreingerningarþjónustu og það var brjálað að gera í því, sérstaklega fyrir jólin þegar við auglýstum jólaþrifin. 

Jæja, tuðkvótinn er búinn í dag, over and out.....

Sara 

Æææææ og óóóó......vont

....já ég er að tala um afmælistónleika KaupTHings......guddi litli...þetta er ekki gott.

Sko, hvað er þetta með að vera bara með gamlar og...ég ætla kannski ekki að segja úreltar en mig vantar rétta orðið- hljómsveitir? SSSól.....ég var fan í den en nú er hann Helgi minn bara búinn. Og Todmóbil, já hún Andrea mín er bara búin  líka held ég. Æi..er ég gebbalega leiðinleg? Þetta er bara eitthvað að pirra mig. 

Eigum við svo að ræða Luxor?                   Nei nei, sleppum því, orð eru óþörf.

Palli klikkaði ekki, hann er krútt

Annars á hún Ástrós mín afmæli á morgun. Hún er að verða 11 ára þessi yndisfríða prinsessa. 

Hilsen, Sara