Af hverju ekki frí á mánudegi ?

Ég var að koma úr frábærum göngutúr þar sem við fjölskyldan fórum stífluhringinn, Sunna í vagninum, Ástrós á línuskautum og Ásthildur á hjóli. Elliðadalurinn er alveg frábær og það er einmitt í þessu hring sem margar hugmyndir hafa fæðst hjá okkur Bjarka. Sem dæmi má nefna að fyrir rúmu ári síðan vorum við á göngu þar og fengum þá hugmynd að kaupa okkur raðhús hér í Árbænum. Við fluttum svo inn í júlí sl.

Eitt af því sem við ræddum á leið okkar kringum vatnið var dagurinn í dag. Sumardagurinn fyrsti (sem er reyndar sá besti sem ég man eftir í nokkur ár), af hverju erum við alltaf með frídagana á fimmtudögum? Hver ákveður hvaða dag sumardagurinn fyrsti lendir á? Ég hef bara aldrei spáð í þetta en væri ekki sniðugt að hafa  hann frekar á mánudegi og lengja helgina? +Eg geri mér grein fyrir því að maður breytir ekki jólunum og páskunum en væri ekki hægt að laga þetta?

Segi nú bara svona

Allavega þá óska ég ykkur öllum gleðilegs sumars og vona að þið njótið dagsins.

Athugasemdir

[Em (IP-tala skráð) 19.4.2007 kl. 14:00]

Hi Sara!

 Ég bý reyndar í London og hér er öll frí færð yfir á mánudaga:  I love it.

[Guðrún Hauksdóttir (IP-tala skráð) 19.4.2007 kl. 16:12]

Gleðilegt sumar Sara mín.

 það væri nú brilljant að flytja þessa fimmtudags frídaga yfir á mánudaga :)

[Aðalheiður Magnúsdóttir, 20.4.2007 kl. 01:09]

Velkomin í bloggheiminn. Þú veist að það er fylgst með ættingjunum hér:)

Kveðja frá Akureyri

Aðalheiður

[Sara Guðmundsdóttir, 20.4.2007 kl. 10:40]

takk fyrir þetta Aðlaheiður, það er gott að vita að það er fylgst með manni

[Margrét St Hafsteinsdóttir, 20.4.2007 kl. 14:52]

Hæ Sara mín.

Til hamingju með allar yndislegu stelpurnar þínar. Þær eru örugglega allar jafn skemmtilegar og þú þegar þú varst lítil Er sammála því að flytja eigi staka frídag á föstudaga eða mánudaga.

Kveðjur til allra.