Æi hvað hann er nú mikið krútt.....

.......að dansa svona afródans til að beina athyglinni eitthvað allt annað en að sínu eigin fólki. Kannski hefði Saddarinn líka átt að gera þetta á meðan hann stóð fyrir fjöldamorðum á sínu eigin fólki, svipað og Bush gerir bara í örðu formi......já, ég er kannski dómhörð en er bara komin með nóg af Bush og öllu því sem hann gerir...hann á sem sagt ekkert inni hjá mér.

Svo mörg voru þau orð

Bush sýndi afrískan dans

Mömmu á þing!!

Ég hringdi í mömmu í gær svona eins og ég geri nokkrum sinnum í viku. Ég var bara svona að spyrja hana um daginn og veginn og hvernig henni  gengi í kosningabarátunni en hún er í 10.sæti Vinstri grænna á Suðurlandi.

Hún hélt svona líka þrumuræðu yfir mér um velferðarmál, málefni grænmetisbænda, bilið milli ríkra og fátæka o.sv.frv.

Ég sá það og heyrði að það þarf að koma henni inn á þing kellunni, eini gallinn er að ég veit ekki hvort hún vill það hún elskar svo mikið að vera kennari.......heyrðu annars, ég er búin að skipta um skoðun, það þarf að koma henni til Chicago í þáttinn til Opruh því Oprah elskar kennara og kannski gefur hún henni bíl!!

Þetta er kannski langsótt og sennilegra auðveldara að koma henni á þing. Já, ég held allavega með mömmu í kosningunum í ár!!

Hjúkkitt!!!

Hef ekki meira að segja um það

Rooney tryggði Manchester United sigur

Sykur Sykur og meiri SYKUR

Við vinkonurnar vorum einmitt að rifja það upp um daginn þegar við vorum í Laugalækjarskóla að það var mjög eftirsótt að vinna í "bakaríinu" í frímínútum því þá fékk maður ókeypis snúð og kókómjólk. Þetta var nú það sem manni þótti best af öllu, jú og stundum var líka gott að kaupa sér hálft franskbrauð og borða innan úr því og drekkar kókómjólkina með.

Hér í Árbænum þar sem ég bý er sjoppa rétt hjá skólanum sem opnar kl. 8 á morgnana til að sinna skólabörnunum og það þykir bara eðlileg sjón að sjá krakkana drekka kók fyrir hádegi. Ég verð nú samt að viðurkenna að ég fæ mér stundum Pepsi max fyrir hádegi en nota alltaf þá afsökun (fyrir mig) að þetta sé bara eins og kaffi fyrir aðra......ekkert verra en það. En málið er að þetta er samt ekkert gott!

Mér líst samt vel á þessa sstefnu í skólunum í Stokkhólmi og kannksi er þetta ein leið til að minnka sykurneyslu hjá börnum. Alveg þess virði að prófa......

Feitum börnum fækkar með sætindabanni í skólum

Ææææ

Það er ekki nóg með að við skulum vera að eyðileggja landið okkar með endalausum virkjunum heldur getum við ekki einu sinni hugsað vel um aumingja starfsfólkið sem er fengið til að vinna "the ditry work" fyrir okkur.  Hvað er málið með að gefa þeim eplasafa úr fötu eftir að hafa ekki gefið þeim neitt að borða í 12 tíma, og við skulum ekki gleyma því að þeir eru staðsettir langt ofan í jörðunni með klósett í 200 metra fjarlægt (samkvæmt fréttinni)......ojojoj....ekki myndi ég vilja vera þar. Það hlýtur að vera stutt í geðveikina ef maður vinnur lengi svona vinnu.

Jæja, þeir fengu allavega frí á föstudaginn

Tugir starfsmanna við Kárahnjúka veiktust

Auðvitað!

Auðvitað er Kata búin að skrá Suri á kaþólskunámskeið, ég meina barnið er að verða árs gamalt. Mínar stelpur eru allar búnar að fara á enskunámskeið, excelnámskeið, matreiðlsunámskeið, flugnámskeið...Ástrós er farin að keyra....ótrúlega þægilegt þegar mann vantar far heim af djamminu!!  Það er nefninlega alveg ótrúlegt hvað þessi börn geta lært......ég meina þau eru eins og svampar, drekka í sig sig það sem við viljum að þau læri!

Annars er ég svekkt yfir því hvað Tommarinn er búinn að missa sig. Ég var alltaf skotin í honum og fannst hann og Nicole ofsalega flott hjón en hann er algjörlega búinn að "missa" það.

En Suri, hún er algjört krútt

Katie vill að Suri læri um kaþólsku

Af hverju ekki frí á mánudegi ?

Ég var að koma úr frábærum göngutúr þar sem við fjölskyldan fórum stífluhringinn, Sunna í vagninum, Ástrós á línuskautum og Ásthildur á hjóli. Elliðadalurinn er alveg frábær og það er einmitt í þessu hring sem margar hugmyndir hafa fæðst hjá okkur Bjarka. Sem dæmi má nefna að fyrir rúmu ári síðan vorum við á göngu þar og fengum þá hugmynd að kaupa okkur raðhús hér í Árbænum. Við fluttum svo inn í júlí sl.

Eitt af því sem við ræddum á leið okkar kringum vatnið var dagurinn í dag. Sumardagurinn fyrsti (sem er reyndar sá besti sem ég man eftir í nokkur ár), af hverju erum við alltaf með frídagana á fimmtudögum? Hver ákveður hvaða dag sumardagurinn fyrsti lendir á? Ég hef bara aldrei spáð í þetta en væri ekki sniðugt að hafa  hann frekar á mánudegi og lengja helgina? +Eg geri mér grein fyrir því að maður breytir ekki jólunum og páskunum en væri ekki hægt að laga þetta?

Segi nú bara svona

Allavega þá óska ég ykkur öllum gleðilegs sumars og vona að þið njótið dagsins.

Þekkið þið þær í sundur??

Ég kannast við þetta......

Lífið er erfitt fyrir suma......það hlýtur að hafa verið erfitt fyrir aumingja Gillian að leika í einum vinsælustu þáttum allra tíma í heil 9 ár og fá fúlgu fyrir það.......

Ég er sterkari en hún, ég neitaði hlutverki í Buffy á sínum tíma...úff hvað ég er fegin að eiga ekki þá helv...peninga!!

Gillian Anderson segist hafa neyðst til að leika í X-Files

Skrítinn heimur sem við lifum í

Á Íslandinu okkar ber lögreglan ekki skotvopn á sér almennt en í "draumalandinu" þarftu bara að vera 18 ára til að geta farið í búð og keypt þér haglabyssu en þarf svo að bíða í 3 ár til að geta keypt þér hvítvínsflösku! Hvað eru Ameríkanar að hugsa??????

Þegar maður sér svona fréttir þá fer maður að hugsa......hugsa um hvað maður hefur það gott á litla Íslandi. Vissulega eru vandamál hér líka en ég er þó róleg yfir því að senda dóttur mína í skólann á hverjum degi. Það eru engir vopnaðir verðir á göngunum í Árbæjarskóla eins og í venjulegum skóla í Bandaríkjunum sem yfirheyra hana þegar hún þarf að pissa......og hvað með það þó hún taki nokkur handahlaup á leiðinni tilbaka í stofuna sína þegar hún er búin að klósettinu!!

 

Steig inn í skólastofuna og hóf skothríð